రాజీవ్ గృహకల్ప పంప్ హౌస్ లో మోటర్లు మాయం

రాజీవ్ గృహకల్ప పంప్ హౌస్ లో మోటర్లు మాయం

జవాబు చెప్పని పంప్ ఆపరేటర్

ఫిర్యాదు చేసిన స్పందించని మునిసిపల్ కమిషనర్

3టౌన్ పోలీస్ స్టేషన్లో ఫిర్యాదు


భద్రాద్రి కొత్తగూడెం( న్యూస్ ఇండియా బ్యూరో నరేష్  ) డిసెంబర్ 21 :భద్రాద్రి కొత్తగూడెం మున్సిపాలిటీ పరిధిలోని న్యూ గొల్లగూడెం రాజీవ్ గృహకల్పలోని పంప్ హౌస్ లో లక్ష రూపాయల విలువ చేసే మోటర్లు మాయం అయ్యాయని రాజీవ్ గృహకల్ప లబ్ధిదారులు ఆరోపిస్తున్నారు. స్థానికుల సహకారంతోనే ఈ మోటర్లు మాయమయ్యాయని కొందరు లబ్ధిదారులు ఆరోపిస్తున్నారు. కొత్తగూడెం మున్సిపాలిటీ కమిషనర్ కు ఫిర్యాదు చేసిన కూడా పట్టించుకోవడంలేదని రాజీవ్ గృహకల్ప పంప్ హౌస్ లోని వాటర్ ను రైల్వే కాంట్రాక్టర్కు అమ్ముకుంటుంటే ఈ విషయమై కమీషనర్ కి తెలియజేసిన కూడా పట్టించుకునే పరిస్థితి లేదనే ఆరోపణలు ఉన్నాయి. కాగా ఈ విషయమై పోలీస్ స్టేషన్లో కూడా ఫిర్యాదు చేశామని పోలీసులు, మున్సిపాలిటీ కమిషనర్ జోక్యం చేసుకొని ఈ విషయం మీద ఎంక్వైరీ చేసి దీనికి సంబంధించిన బాధ్యులపై చట్టారీత్యా చర్య తీసుకోవాలని రాజీవ్ గృహాకల్ప లబ్ధిదారులు కోరుతున్నారు.