టీడీపీ పార్టీ బలోపేతంలో సోషల్‌ మీడియాదే కీలక పాత్ర...!

న్యూస్ ఇండియా/ పెద్దకడుబూరు మండలం డిసెంబర్ 10:- టీడీపీ పార్టీ అధినేత నారా చంద్రబాబు నాయుడు టీడీపీ పార్టీ బలోపేతం కోసం చురుకుగా పనిచేసేందుకు సోషల్ మీడియా వేదికను ప్రవేశ పెట్టారు. సొషల్ మీడియా ద్వారా పార్టీ విజయంలో ఎవరికి ఎంత సమయం వీలైతే అంత సమయం సద్వినియోగపరిచి పార్టీని విజయ తీరాలకు చేర్చడంలో తమ వంతు పాత్ర పోషించాలని టీడీపీ ఆధిష్టానం  పేర్కొంది. కార్యకర్తలు పార్టీకి పనికొచ్చే విధంగానే పోస్టులు పెట్టాలని టీడీపీ సూచించింది. పార్టీ చేసిన మంచి పనులు, అభివృద్ధి, సంక్షేమం, పార్టీ నాయకత్వం యొక్క దూరదృష్టి, వారి విజయాలపైనే ఫోకస్ చేయాలని కోరింది. గతంలో వైసీపీ అధికారంలోకి రావడంలో సోషల్ మీడియా ప్రముఖ పాత్ర పోషించిందని, దీన్ని గమనించిన టీడీపీ అధిష్టానం పెద్ద ఎత్తున పార్టీకి ప్రచారం చేసేలా సోషల్ మీడియా టీంలను ఏర్పాటు చేసుకుంది. టీడీపీని తిరిగి అధికారంలోకి తీసుకురావడానికి చాలావరకు ఈ వ్యవస్థ పనిచేసింది. ఇందులొ భాగంగానే కర్నూలు జిల్లా మంత్రాలయం నియోజకవర్గంలొ టిడిపి పార్టీ కోసం గత కొన్ని సంవత్సరాలుగా సోషల్ మీడియా వేదికగా చురుకుగా టిడిపి పార్టీ బలోపేతానికి కష్టపడిన వ్యక్తులను గుర్తించి, టీడీపీ అధిష్టానం ఆదేశాల మేరకు సోషల్ మిడియాలొ పనిచేసిన వారిని ఘనంగా సన్మాణించె కార్యక్రమం చేపట్టడం జరిగింది. ఈ కార్యక్రమంలో పెద్దకడబూరు మండలానికి చెందిన టీడీపీ బిసి నాయకుడు తలారీ ఆంజనేయులు మరియు మేకడోనా గ్రామం హుసేని లను మంత్రాలయం నియోజకవర్గం టిడిపి ఇన్చార్జి రాఘవేందర్ రెడ్డి ఆధ్వరంలో వారిని శాలువాలతో ఘనంగా సన్మానించారు. పార్టీ కోసం పని చేయడంలో ఈ టీంలు కొంత వరకు సక్సెస్ అయినట్టే. అలాగే టీడీపీ పార్టీ బలోపేతం కోసం తమ వంతుగా కష్టపడిన విరికి టీడీపీ నేతలు భవిషత్ లో ఏదైనా పదవితో దారి చూపిస్తారో లేదో వేచి చూడాలి...