చేయగలిగింది చెప్తా చెప్పిందే చేస్తా: గూడూరు నారాయణరెడ్డి

భువనగిరి ఎమ్మెల్యే పైళ్ళ శేఖర్ రెడ్డి కాదు పైసల శేఖర్ రెడ్డి అని బిజెపి అభ్యర్థి గూడూరు నారాయణరెడ్డి అన్నారు.అసెంబ్లీ ఎన్నికల ప్రచారంలో భాగంగా భారతీయ జనతా పార్టీ భువనగిరి నియోజకవర్గ అభ్యర్థి గూడూరు నారాయణరెడ్డి వలిగొండ మండల కేంద్రంలో నిర్వహించిన భారీ ర్యాలీ లో ఆయన పాల్గొని రోడ్డు షో నిర్వహించారు. ఈ సందర్భంగా ఆయన మాట్లాడుతూ నీ బిడ్డనై వస్తున్న ఒక ఛాన్స్ ఇచ్చి మమ్మల్ని ఆశీర్వదించండి. నియోజకవర్గ అభివృద్ధి కోసం నా శాయ శక్తుల కృషి చేస్తానని, అసెంబ్లీలో కనీసం రెండు నిమిషాలు కూడా మాట్లాడని టిఆర్ఎస్ ఎమ్మెల్యేకు ఏ విధంగా ఓట్లు వేస్తారని, అదేవిధంగా రెండు నెలలు పార్టీని వీడి టిఆర్ఎస్ కి వెళ్లి వచ్చిన కాంగ్రెస్ అభ్యర్థికి కూడా క్యాడర్ లేదని ఆయన అన్నారు. తన వద్ద డబ్బు బలం లేకున్నా పుణ్యం సేవా ప్రజాబలం ఉన్నదని అందుకే ఈ ఒకసారి మీ బిడ్డకు కమలం పువ్వుకు ఓటు వేసి గెలిపించాలని ఆయన ప్రజలను అభ్యర్థించారు. అమ్మల్లారా అక్కల్లారా వస్తున్న నీ కడుపులో పెట్టుకొని చూసుకుంటారా ?అని సెంటిమెంట్తో అడిగారు. ఈ కార్యక్రమంలో జిల్లా నాయకులు సి.ఎన్.రెడ్డి, జిల్లా ఉపాధ్యక్షులు దంతూరి సత్తయ్య,మండల అధ్యక్షులు నాగేల్లి సుధాకర్, మైసోల్ల మత్స్యగిరి, చందా మహేందర్ గుప్తా, రాచకొండ కృష్ణ, జిల్లా స్వర్ణ కార సంఘం అధ్యక్షుడు కొండపర్తి బాలాచారి, పడమటి జగన్మోహన్ రెడ్డి, కొత్త రామచంద్రు తదితరులు పాల్గొన్నారు.